10.4 C
New York
Saturday, October 23, 2021

అబ్బాయిల్లో అమ్మాయిలు ఏం చూసి ఇష్టపడతారో తెలుసా? Do You Want to Know What they Like in You

రిలేషన్‌షిప్ సక్సెస్ కావాలంటే ఎన్నో విషయాలు చూడాలి. అమ్మాయిల్ని ఇంప్రెస్ చేయడానికి అబ్బాయి అష్టకష్టాలు పడతారు. మరి.. అసలు అమ్మాయిలు అబ్బాయిల్ని ఏం చూసి కోరుకుంటారో తెలుసుకోండి. ఒక రిలేషన్‌షిప్ సక్సెస్‌ఫుల్ అవ్వాలంటే ఏం అవసరమో చాలా మంది చాలా పాయింట్స్ చెప్పారు. కానీ, అన్నింటిలోకీ స్త్రీలు దేనికి ఇంపార్టెన్స్ ఇస్తారో తెలుసా? కైండ్‌నెస్ కి. పార్ట్నర్స్ లో వారు కోరుకునే క్వాలిటీస్ లో అతి ముఖ్యమైనదిగా దీనినే పేర్కొన్నారు. దీని తరువాత స్త్రీలు రిలేషన్‌షిప్ నుండీ, పార్ట్నర్ నుండీ ఏం కోరుకుంటారో తెలుసుకోండి మరి.

1. తెలివితేటలు కావాలని కోరుకుంటారు. తెలివితేటలంటే ఇక్కడ డిగ్రీలు కాదండీ, మేధాశక్తికీ కాలేజీ డిగ్రీలకీ సంబంధం లేదు. ఎంత తెలివిగా ఆలోచిస్తారు, జీవితం పట్ల ఎంత కుతూహలం ఉంది అన్న దానికి ఎక్కువ ఇంపార్టెన్స్ ఇస్తారట.

2. ఆత్మ విశ్వాసం కూడా ఉండాలని ఎదురు చూస్తారు. ఆత్మ విశ్వాసం తో పాటూ వారి లో ఉన్న బలహీనతలని కూడా పైకి చెప్పుకున్న వారిని ఎక్కువ ఇష్టపడతారట.

3. తన పార్ట్నర్ తనని ప్రేమిస్తున్నారు అనే నమ్మకం స్త్రీకి కలగాలి. ఇద్దరి మధ్య ఆర్గ్యుమెంట్ అయినా స్త్రీకి నమ్మకం లేకపోవటం వల్లనే వస్తుంది. నమ్మకం కలిగించవలసిన బాధ్యత పార్ట్నర్ దే. నమ్మకం ఉన్నప్పుడు స్త్రీ తన పార్ట్నర్ ని ఎంతగానో ఇష్టపడుతుంది.

4. అందరం తప్పులు చేస్తాం. ఒక్కోసారి తప్పని పరిస్థితే వస్తుంది కూడా. పరిస్థితులని మీరు అర్ధం చేసుకోవాలని ఆమె ఆశిస్తుంది. మీరు ఎలాగైతే పర్ఫెక్ట్ కాదో, ఆమె కూడా అంతే కదా. క్షమ లేకుండా బంధం నిలవదు, వివాహ బంధం అసలే నిలవదు.

5. స్త్రీ శరీరం లో జరిగే హార్మోనల్ ఫ్లక్చుయేషన్స్ ని మీరు అర్ధం చేసుకుని సహకరించాలని ఆమె కోరుకుంటుంది. పీరియడ్స్, ప్రెగ్నెన్సీ, మెనోపాజ్.. టైమ్స్ లో ఆమె హార్మోన్లలో వచ్చే మార్పులని మీరు వేలాకోళం చేయడం వంటివి చేయకూడదని ఆమె భావన.

6. మీరిద్దరూ మాట్లాడుకోవాలంటే మాటలే కరువా? పార్ట్నర్స్ విషయం గురించైనా గంటలు గంటలు మాట్లాడుకోవచ్చు. పిల్లలు, పెద్ద వాళ్ళు, ఉద్యోగాలు, సేవింగ్స్, ఫ్రెండ్స్, వాతావరణంమీ ఇష్టం. రెండు జీవితాలు పెనవేసుకుపోయిన బంధం లో కబుర్లకి సమయం లేదంటే చాలా కష్టం. ఫోన్ చూస్తూనో, టీవీ చూస్తూనో కాక కబుర్ల మీద దృష్టి పెట్టి కబుర్లు చెప్పుకోవాలని ఆమె కోరిక.

7. మీ భార్యతో, మీ పిల్లలతో క్వాలిటీ టైమ్ స్పెండ్ చేయడం అన్నది ఆటోమేటిక్ గా జరిగిపోదు. దాని కోసం మీరు కొంత ప్లాన్ చేయాలి. అంతే కాక, మీ పెళ్ళి చేసుకున్న వ్యక్తి మీ పిల్లలకి తల్లి మాత్రమే కాదు, మీ భార్య కూడా. ఆమెతో రొమాంటిక్ డేట్స్ కి కూడా మీరు ప్లాన్ చేయాలి.

8. ఆమె ఏదైనా చెప్తే వెంటనే నో అనకండి. చాలా మంది మాత్రం ఆలోచించకుండా భార్య ఏదైనా చెప్పీ చెప్పగానే నో అనేస్తారు. అలాగని చెప్పిన ప్రతిదానికీ యస్ అనమని కూడా చెప్పడం లేదు. ఆటోమేటిక్ గా నో అనకుండా ఒక్క నిమిషం ఆలోచిస్తే ఆమె చెప్పిన దానిలో ఉన్న పాయింట్ మీకే అర్ధమౌతుంది. మీరు పాజిటివ్ గా రెస్పాండ్ అయితే ఆమెకీ ఆనందమే, మీకూ ఆనందమే.

9. ఆమె ఏదైనా మీతో చెప్పుకుంటుంటే వినండి, చెవులతో మాత్రమే కాదు, మనసుతో కూడా వినండి. ఆమె చెప్తున్నదాన్ని ఆమె వైపు నుండి అర్ధం చేసుకోవడానికి ప్రయత్నించండి. మీరు అంగీకరించకపోయినా ఆమె అభిప్రాయాన్ని గౌరవించండి. భార్య అభిప్రాయానికి గౌరవం ఇచ్చేవారు హ్యాపీ గా ఉంటారని రిసెర్చ్ కూడా చెప్తోంది.

10. ప్లీజ్, థాంక్యూ, సారీలు బయట వాళ్ళకి మాత్రమే కాదు, ఇంట్లో వాళ్ళకి కూడా. మీ భార్యతో మూడు మాటల్లో కనీసం ఒకటైనా అని ఎంత కాలమయిందో ఒక్కసారి ఆలోచించండి. బెడ్‌రూం లో కాకుండా బయట ఎన్ని సార్లు అన్నారో కూడా ఆలోచించండి. ఇది ఏదో పని లాగా చేయడం కాదు, మాటలు అన్నప్పుడు వాటి అర్ధాన్ని మీరు నిజంగా ఫీల్ అయి ఉండాలి. అప్పుడే మాటకి విలువ.

11. ఇంటి పనులూ, పిల్లల్ని పెంచడం ఆమె బాధ్యతలు మాత్రమే కాదు, మీవి కూడా. ఆమె ఏదైనా హెల్ప్ అడిగినప్పుడు వెంటనే చేస్తే ఆమె ఎంతో సంతోషిస్తుంది. ఆమె అడక్క ముందే చేస్తే.. మేం చెప్పడం బావుండదు.

12. నెలకి ఒకసారో 2 సార్లో ఒక రోజు పూర్తిగా ఆమెకి ఇచ్చేయండి. పిల్లల గురించీ, వంట గురించీ, పెట్స్ ఉంటే వాటి గురించీ, వాషింగ్ మెషీన్ గురించీ ఆలోచించక్కరలేకుండా ఆమె ఒక రోజు గడిపే సమయం మీరామెకి ఇవ్వండి. బ్రేక్ ఆమె శారీరక మానసిక ఆరోగ్యానికి అవసరం అని గుర్తు పెట్టుకోండి.

చివరగా, మీ గురించి మీరు శ్రద్ధ తీసుకోండి, మీ ఆరోగ్యం గురించి కూడా పట్టించుకోండి. అప్పుడే మీరూ, మీ భార్యా, మీ పిల్లలూ అంతా హ్యాపీగా ఉండగలరు.
స్టే సేఫ్, స్టే హ్యాపీ..!

Related Articles

Stay Connected

0FansLike
2,992FollowersFollow
0SubscribersSubscribe
- Advertisement -spot_img

Latest Articles

error: Content is protected !!